رجعنا للهوى تانى لحرمانى
كأن اللى جرى كله ما كفانى
رجعت لشكوتى منك وآه منك
وآه من قلب
مش قادر يغيب عنك
حايلته كتير وصبرته
وفاكر إنى توبته
لقيت القلب سهانى
وخدنى لدنيتك تانى
رجعنا للهوى تانى لحرمانى
انا لو كنت بتألم وبتكلم
بلوم نفسى والوم الحب ويايا
علشان لو قلبى طاوعنى ما كان سلم
ولا تعبنا وزودنا الهوى حكاية
ولكن كل شئ عدى وفاضل ايه
طريق لسة الهوى عايز ياخدنى فيه
ما خدنى كتير وودانى
وعايز منى ايه تانى
رجعنا للهوى تانى لحرمانى
يا حب زمان يا جرح زمان
مشيت فى سكة النسيان
وانا بهرب من امبارح
وماشى فى سكتى لبكرة
لقيتنى من جديد رايح
لجرح وحبى ولذكرى
مقولتش لا ومين يقدر على الاشواق
مدام فيه حب هانلاقى لقى وفراق
ما خدنى كتير وودانى
وخدنى لدنيتك تانى
رجعنا للهوى تانى لحرمانى
رجعنا للهوى تانى
غناء: نجاح سلام
اشعار: فهمى الشريف
الحان: شوقى اسماعيل
الاصدار: من تسجيلات الاذاعة المصرية
السنة: 1975
التصنيف: عاطفى