من ارض المطار حبيب قلبى طار
يدافع معايا عن ارضى وسمايا
وعلى وخلى عدوه فى نار
من قلبى ياما دعيت له ياما
بكل نصرة وكل سلامة
ارض العروبة حماها وصانها
وعلى الدخيل قومها قيامة
احبه لشهامته وحبه لكرامته
يا ما احلى ابتسامته
فى يوم الانتصار
وعلى وخلى عدوه فى نار
من ارض المطار حبيب قلبى طار
بروح قوية وايد جبارة
يهزم العدو فى اول غارة
وانا ابقى من فرحتى بحبيبى
قربت اطير من غير طيارة
احبه لكفاحه وحبه لنجاحه
يهزم سلاحه عدوه ديار
وعلى وخلى عدوه فى نار
من ارض المطار حبيب قلبى طار
يسلم لبلدى اللى بيحميها
وبالسلامة يروح ويجيها
ان عاش يعيش بكرامة وعزة
وان غاب يغيب علشان يحميها
احبه لجهاده وحبه لبلاده
وطبعه وعناده مبيسبش ثأر
وعلى وخلى عدوه فى نار
من ارض المطار حبيب قلبى طار
الطيار / من ارض المطار
غناء: فايزة احمد
اشعار: فتحى قورة
الحان: محمود كامل
الاصدار: من تسجيلات الاذاعة المصرية
السنة: 1960
التصنيف: عاطفى / وطنى