اوعى الاشاعات متعبرهاش ولا تسمعهاش
كدب وخرافات والخلق ساعات بتسعجب عن الغش بتاعها
على القهوة فلان يقعد زعلان
ويطلع بسلامته اشاعة
ويقول علشان يسبكها كمان
ما يالا نصلى جماعة
مع انه جبان ولا عنده ايمان
ولا حقه يعيش عندنا ساعة
على كل اشاعة بيدوله
والقرش بيظهر مفعوله
واسمع اشاعات زى الروايات
حضرته ألفها وطلعها
اوعى الاشاعات متعبرهاش ولا تسمعهاش
كدب وخرافات والخلق ساعات بتسعجب عن الغش بتاعها
حبة اشرار فى قلوبهم نار
من يوم تحديد الملكية
وكمان تجار شافوا الاسعار
مبقاتش اسعار خيالية
جه الاستعمار خدهم انصار
واتفقوا على سوء النية
بدرولنا الاشاعات حواليهم
وان شافوا النور تعمى عينيهم
واتنين وتلات يعملوا اشاعات
لو طولت عينيهم لاقلعها
اوعى الاشاعات متعبرهاش ولا تسمعهاش
كدب وخرافات والخلق ساعات بتسعجب عن الغش بتاعها
شلة اسياد حرمونا الزاد
وكلونا وكلوا مال الدولة
شوفنا استعباد منهم وفساد
وبقينا فى ايديهم طاولة
والمولى اراد نبقى احنا عباد
ولا حدش غيره يكون مولى
بالليلة ويوم جيشنا مسحهم
بقت الاشاعات هى سلاحهم
واصبح وابات اسمع اشاعات
واضحك على خيبة اللى بدعها
اوعى الاشاعات متعبرهاش ولا تسمعهاش
كدب وخرافات والخلق ساعات بتسعجب عن الغش بتاعها
ياللى بتشيع دايماً وتذيع
اشاعات فاهمين قصدك منها
كلها تقاليع ولا فيش سميع
يسأل على صحة قايلنها
قولوا للمقاطيع يتفكوا تشنيع
دى نمر مكشوفة وعارفنها
حرب الاشاعات ده كلام فاضى
وسلاح الحق سلاح ماضى
اصلها اشاعات تحلق شنبات
حرتى لو حد هايسمعها
اوعى الاشاعات متعبرهاش ولا تسمعهاش
كدب وخرافات والخلق ساعات بتسعجب عن الغش بتاعها
الاشاعات
غناء: محمود شكوكو
اشعار: فتحى قورة
الحان: محمود الشريف
الاصدار: من تسجيلات الاذاعة المصرية
السنة: 1953
التصنيف: مونولوج