قالوا وقلنا وياما سمعنا
واللى قالوه اشكال والوان
شوفنا كتير منهم ينصحنا
واللى كلامه مالهش امان
خدعوك فقالوا اسأل مجرب ولا تسأل طبيب
اوزن الكلام قبل ما تسمعه
وافهم ايه يكون واوعى تنوعه
وصفات بلدى ياما ضحايا علامة
ابعد عنها تسلم ابعد والشر امنعه
عين العقل خير الكلام ما قل ودل
ازيك يا اخويا وسلامتك كفاية
ومفيش داعى تفتح وياه كام حكاية
ده التعبان زياره طبعاً فيها راحته
لكن لما تطول يتعب فى النهاية
كلام سليم حلاوة الهدية فى المعنى الكبير
بالبسمة اللى تسحر والهمسة الرقيقة
الكلمة اللى تأسر والنظرة البريئة
بالورد المفتح بالأمل المفتح
تتهادى الحبايب ودى احسن طريقة
قالوا وقلنا وياما سمعنا
واللى قالوه اشكال والوان
شوفنا كتير منهم ينصحنا
واللى كلامه مالهش امان
قالوا وقلنا
غناء: الثلاثى المرح
اشعار: محسن عزت
الحان: حلمى امين
الاصدار فى: من تسجيلات الاذاعة المصرية
السنة: 1965
التصنيف: مونولوج