بالعيون من غير كلام
قولنا اكتر من الكلام بالعيون
واتعاتبنا واتصالحنا
واتصافينا واتسامحنا
وانتهينا من الخصام بالعيون
كلمة كانت على الشفايف
نفسى اقولها من زمان
عايز اصالحك بس خايف
ملتقيش منك حنان
قلبى كان دايماً يقولى
يمكن انت تقولها قبلى
العيون سبقتنا بيها
ريحتنا من الكلام
واتعاتبنا واتصالحنا
واتصافينا واتسامحنا
وانتهينا من الخصام بالعيون
مهما جينا ولا روحنا
ولا طول يوم غيابنا
احنا برضه زى ما احنا
مستحيل تبعد قلوبنا
يعمل ايه البعد فيها
ده الحنان والشوق ماليها
نظرة رجعتنا وابتدى تانى الغرام
واتعاتبنا واتصالحنا
واتصافينا واتسامحنا
وانتهينا من الخصام بالعيون
لغة العيون
غناء: محمد رؤوف
اشعار: فتحى شريف
الحان: عبد العظيم محمد
الاصدار: من تسجيلات الاذاعة المصرية
السنة: 1980
التصنيف: عاطفى