بتقول حبيبة حبيبة
وانا غريبة غريبة
فايتني وحدي فايت
أنا وسهدي وسهدي
وإن جيت أعاتب تقول حبيبة
أما غريبة أما غريبة.. غريبة
يا ما فكرت اخاصمك واعمل زي عمايلك واطفي بإيدي لهيبي
أول ما اسمع أسمك أجري عليك وأحايلك والاقيك لسة حبيبي
وبنظرة أنسى اللي نويته
وبكلمة أنسى اللي قاسيته
مخاصمني وظالمني وتقول حبيبة
أما غريبة أما غريبة.. غريبة
قلبى احتار وياك بالقرب
وفي البعد ما بتفضل على حال
شفت المر معاك قلت عليه الشهد خايف م العزال
اكتبلك بدموع العين متردش ولا تسأل فين
تخاصمني وظالمني وتقول حبيبة
أما غريبة أما غريبة.. غريبة
خاصم واهجر وانسى زي ما يعجب قلبك ده أنا مقدرش أجافيك
مهما تفتني وتقسى هفضل برضه أحبك علشان لسه شاريك
وتكتر عزال حواليا وتشمت اكترهم فيا
مخاصمني وظالمني وتقول حبيبة
أما غريبة أما غريبة.. غريبة
غناء: نجاة - عام 1957