طول عمري أحبك واشكي لك واشكي للعمة وللخالة
طول عمري أحبك وأشكيلك ولا ترضى تسمع لي قوالة*
حرمت اقابلك واحكيلك ده غرامك خلاني في حالة
لا لا
اشمعنى انا قلبي بيسأل على قلبك ولا تسألشي
واشمعنى كمان انت بتتقل وأنا احبك ولا أتقلش
زودت الغيرة.. خلتني في حيرة
نسيتني وجودي.. وبتنسى عهودي
وابعتلك في الصبح رسالة
وابعتلك في العصر رسالة
لا لا
بتفوت الساعة ورا التانية واستنى تجيني ولا تجيش
علشانك حبيت الدنيا وازاي من غيرك انا اعيش
ليه دايما تنسى.. ليه بس بتقسى
ده مش اسمه كلام.. يا ناسيني حرام
في غرامك ياما قلت قوالة
ودموعي م العين سيالة
لا لا
الكلمة الحلوة اشيلهالك علشان تقابلني واقولهالك
ولا يوم خلتني اشغل بالك ولا عاوز تحرمني خيالك
وانا اعمل ايه.. بس اعمل ايه
في عينيا بصونك.. مش هاين اخونك
والناس في كلامهم عمالة
والشكوى في قلبي منشالة
لا لا
غناء: نجاة الصغيرة - حفل صوت العرب بسينما ريفولى عام 1956
(*) غنتها نجاة الصغيرة فى حفل غنائي اقامته إذاعة "صوت العرب" على مسرح سينما ريفولى يوم 3 أبريل 1956 ثم قامت شركة "كايروفون" بإصدار أسطوانات التسجيل الاولى، لكن بعدها رفضت الإذاعة اعتراضًا على مطلعها الذي يقول "طول عمري أحبك واشكيلك.. واشكي للعمة والخالة". وقد تسائل أحد أعضاء لجنة النصوص: كيف تشكو المحبة حبها لعمتها وخالتها.. ده كلام؟ وتم تعديل الكلمات وتسجيلها في شهر يونيو من نفس العام لتصبح (طول عمري أحبك وأشكيلك ولا ترضى تسمع لي قوالة)، والنسخ الاكثر انتشاراً هى النسخة التي غنتها في الحفل والاسطوانات، وتذيع الاذاعة الآن النسخة الاصلية للاغنية بالكلمات الأصلية.