ع الحلوة والمرة مش كنا متعاهدين
ليه تنسى بالمرة عشرة بقالها سنين
ع الحلوة والمرة
نسيت خلاص عهدنا ونسيت ليالينا
ونسيت كمان ودنا ونسيت امانينا
كان املى فيك غير كدة ليه تنسى ماضينا
حرام عليك كل ده شمتهم فينا
ع الحلوة والمرة
أيامنا كانت هنا زايناها عشرتنا
وإيه اقولك انا غير بس قسمتنا
يا ناسى عهد الهوى ليه تنسى فرحتنا
انا وانت كنا سوا يا ما احلى دنيتنا
راح تنسى كام مرة وتفرح اللايمين
ع الحلوة والمرة
ازاى يهون حبنا وتروح متسألش
دى العشرة عندى انا غالية ولا تهونشى
وان طال عليا الامل شارى ولا ابيعشى
ومهما طال الاجل حبك ما بيضيعشى
راح تنسى كام مرة
هاتسيبنى كام مرة
وتفرح اللايمين
ع الحلوة والمرة
غناء: عبد الغنى السيد - عام 1954