بايعني ولا شاريني؟
علي برك ورسيني
آه رسيني
يا محيرني في طبعك أحتار والله دليلي
أنا حرمت أطاوعك بعد سهادي وليلي
انا صبري فرغ مني.. أمانه عليك تطمني
بتحبني ولا بغرامي بتتسلى؟
علي برك رسيني، بايعني ولا شاريني؟
آه رسيني
اهجر تترجاني وتزيد شكواك مني
وألقى رسولك تاني مشتاق يسأل عني
ويوم أخطر عل الفكره.. ويوم أصبر وأقول بكره
بتحبني ولا بغرامي بتتسلى؟
علي برك رسيني، بايعني ولا شاريني؟
آه رسيني
تشتاقلي ويحلاك قربي وتبقى في جنة
وتسوق تاني دلالك تهجرني وتتجنى
ويوم بعدك تصافيني.. ويوم قربك تجافيني
بتحبني ولا بغرامي بتتسلى؟
علي برك رسيني، بايعني ولا شاريني؟
آه رسيني
بايعنى ولا شارينى
اشعار: محمد على احمد
غناء: عبد الغنى السيد
الحان: محمود الشريف
السنة: 1956
التصنيف: عاطفى