(1)
سافر حبيبي.. غايب حبيبي
فاتنا حيارى.. ويا السهارى
قولولنا فينه.. او فين طريقه
متى اشوفك.. اشوفك يا غايب عن عيني
قتاله الفرقه والله .. وبعادك عن عيني
ابعت مكاتيب.. مكاتيب
مكتوبه بشوق مننا جميل
وفي لون الحب رسمنا قلوب.. فوق المناديل
وحكينا قصصنا واحوالنا
قلنالك ايه اللي جرالنا
قلنالك ياما ولا قلتش
متى حتجينا ما بتردش
متى اشوفك.. يا غايب عن عيني
قتاله الفرقه والله.. وبعادك عن عيني
وصينا جيران .. قالوا مسافرين عندك واصلين
يقولولك داب.. قلب الأحباب..
والله وصابرين..
وبعتنا معاهم تذكار.. صوره وحبة اشعار
يقولولك والله وحشتونا.. وسألنا متى حتجونا
ومتى اشوفك.. يا غايب عن عيني
قتاله الفرقه والله .. وبعادك عن عيني
دوبنا اقلام.. في عتاب وكلام
وكتبنا حرام ظلم العاشقين
وفي شرع مين نسهر ما ننام
وعملنا من الليل موالنا
نوصفلك فيه احوالنا
قلنالك ياما ولا قلتش
متى حتجينا ما بتردش
متى اشوفك .. اشوفك يا غايب عن عيني
قتاله الفرقه والله.. وبعادك عن عيني
(2)
عيني ع اللي راميني أنا وقلبي في بحر أشواق
عيني ع اللي ناسيني وناسي إن الفراق حراق
والله في سماه لولا الملامة لا كنت أروحله
وأغزل نسيم الفجر ليه طرحة من الأشواق
ميتى أشوفك يا غايب عن عيني
واحشاني عيونك وفراقك على عيني
يا مطول ليلي في بعدك على برك رسيني
عطشان والنظرة الواحدة في عيونك ترويني
على طيري وبدور على طيري، أمانة عليك يا طيري
روح قوله الهوى غلاب، روح قوله الشوق دواب
روح قوله إن إحنا حبايب، وإزاي ما بعتش جواب
كام كلمة ولو بسؤال: سلامات وإزاي الحال
على طيري وبدور على طيري، أمانة عليك يا بدري
لا تصاحبه في الليالي وتسلي غربته
وتنور في العلالي خطاويه وسكته
وتخلي الدنيا فرحة مرسومة فوق جبينه
وتزوق بالمحبة الدنيا في بسمته
والله يا بوي مشتاق
والله الفراق حراق
(1) غناء: محمد رشدى - عام 1968
(2) غناء: محرم فؤاد - عام 1968