تحت السجر يا وهيبه.. ياما كلنا برتقان
كحلة عينك يا وهيبه.. جارحه قلوب الجدعان
الليل بينعس على البيوت وعلى الغيطان
والبدر يهمس للسنابل والعيدان
يا عيونك النايمين ومش سائلين
وعيون ولاد كل البلد صاحيين
تحت السجر واقفه بتدعك بايديها برتقانة ولا ده قلبي
قلبي فرح جوا الفرح لما رأيت رمشك سرح
كحلة عينك يا وهيبه.. جارحه قلوب الجدعان
يا عايقه يا انتي يا نجمة الصبحيه
خلخال برنه يرّقص الجلابيه
والعقد غلى الكهرمانيه
والطرحه بالترتر ملاليه
تحت السجر واقفه بتدعك بايديها برتقانة ولا ده قلبي
قلبي فرح جوا الفرح لما رأيت رمشك سرح
كحلة عينك يا وهيبه.. جارحه قلوب الجدعان
تحت السجر.. طل القمر يالالالي
شافني حزين ميل عليا وقالي
عيني الجميل منك بقى اتهنى
تحت السجر راح تضحك الجنة
تحت السجر واقفه بتدعك بايديها برتقانة ولا ده قلبي
قلبي فرح جوا الفرح لما رأيت رمشك سرح
كحلة عينك يا وهيبه.. جارحه قلوب الجدعان
غناء: محمد رشدى - اسطوانات صوت القاهرة 1964