خايف مرة أحب وعارف ليه أنا قلبي خايف
شفت الحب بيبكي و يضحك ملو عيونه شفايف
بس لو ألاقي اللي أحبه
و اللي قلبي يروح لقلبه
و اللي ترتاح روحي جنبه
يومها عمري ما أبقى خايف
خايف إني أحب وخايف ينسى الحب يوم يقابلني
خايف أجرب خايف أهرب
خايف أقرب يبعد عني
ناس من الحب شافوا آسية وناس اتهنوا
خايف يقسى الحب عليا خايف منه
أندم لو حبيت وقاسيت
و أندم لو عمري ما حبيت
بس لو ألاقي اللي أحبه
و اللي قلبي يروح لقلبه
و اللي ترتاح روحي جنبه
يومها عمري ما أبقى خايف
الدقيقة من حياة الحب عمر في عذابه وفي هناه
الابتسامة من شفايف الحب فجر يسعد العاشق ضياه
كل كلمة من كلام الحب أمر لسه ماسمعتش نداه
أندم لو حبيت و قاسيت
و أندم لو عمري ما حبيت
بس لو ألاقى اللي أحبه
و اللي قلبي يروح لقلبه
و اللي ترتاح روحي جنبه
يومها عمري ما أبقى خايف
غناء: عبد الحليم حافظ - فيلم "يوم من عمرى" 1960