فوق الشوك مشانى زمانى قاللى تعال نروح للحب
بعد سنين قاللى إرجع تانى حاتعيش فيه مجروح القلب
اللى مشيته رجعت أمشيه واللى قاسيته رجعت أقاسيه
فوق الشوك
قبل ما أشوف الحب وأقابله
ياما خيالى وطيفه تقابلوا
وأما عيونى لمحوا مكانه ورحت وراه
فاتنى ف نار وعذاب مرار وغلبت معاه
آه م الحب وم اللى رمانى وخدنى إليه
بعد النار و الشوق إيه ثانى راح أمشى عليه
راجع بعد الشوق ما ضنانى
راجع راجع راجع تاني
فوق الشوك
غلطة عمر خدتنى لحبى رحت وراحة قلبى
ليه يا قلبى جرينا وراء المجهول ليه
ليه على نار الجرح مشينا وعشان ايه
آه م الحب وم اللى رمانى وخدنى إليه
راجع بعد الشوق ما ضنانى
راجع راجع راجع تاني
فوق الشوك
ياللى نسيك الحب انساه
وابعد عنه عشان تلقاه
عايز تعرف فين الحب وفين لياليه
بص في أي دموع تقابلها راح تلاقيه
آه م الحب وم اللى رمانى وخدنى إليه
بعد النار و الشوق إيه تانى راح أمشى عليه
راجع بعد الشوق ما ضنانى راجع
راجع راجع تانى
فوق الشوك
غناء: عبد الحليم حافظ - عام 1959