مسا التماسى
مسا التماسي يا قمر مسا التماسي
رد التماسي يا قمر يا ابو قلب قاسي
اتقل على الناس كلها وحاسب علينا
ده احنا حبايب يا قمر ولا انت ناسي
يا للى بسميك القمر وانت أحلى منه
يا اللى ولا مليون قمر يغنوني عنه
ده انت هوايا ودنيتي وشمعة طريقي
انت هنايا وفرحتي وحبي الحقيقي
قمر قمر.. صحيح قمر
والله قمر.. حبيبى، قمر قمر..
احلى قمر اجمل قمر.. حبيبى
هعيش سهر واموت سهر مادام أمر حبيبي
ده حبيبي حبيبي حبيبي يا هووووو
من غيره أضيع في الدنيا وأتوه
ده حبيبي حبيبي حبيبي يا ناس
لا بيبان تمنعنا ولا حراس
اتقل على الناس كلها وحاسب علينا
ده احنا حبايب يا قمر ولا انت ناسي
ندم
ندم ندم .. ندم ندم
هندم ندم .. واصرخ الم
وابكي بدال الدمع دم ..
ندم ندم .. ندم ندم
بقا حب العمر ده كله .. مكنش حب صحيح
وحبيب العمر ده كله .. مكانش حبيبى صحيح
خاين خاين .. وعنيه خاينين
خدوا منى .. احلى سنين
وفاتونى انا ولياليا ..
مع جرح كبير .. عايشين
عيشة عدم .. عيشة الم .. عيشة ندم
ندم ندم .. ندم ندم
كان زمان حبك مطمن .. قلبي من غدر الزمان
كنت متونس بقلبك .. كنت عايش بيك زمان
وفإديك شمعة حياتى .. وف عنيك بر الأمان
مانجرحتش الا منك .. منك انت
ياللى جرحك جرح عمرى .. مالوهش امتى
خاين خاين .. وعنيه خاينين
خدوا منى .. احلى سنين
وفاتونى انا ولياليا ..
مع جرح كبير .. عايشين
عيشة عدم .. عيشة الم .. عيشة ندم
ندم ندم .. ندم ندم
ياللى زرعت الحزن .. في قلبى بيدعى عليك
تشرب نارى وتندم ندمى .. ويملى الحزن عنيك
ورتنى ليالى ولا شىء .. فى الكون ذى عذابها
ورتنى ليالى اتمنى .. يا ربى تجربها
خاين خاين .. وعنيه خاينين
خدوا منى .. احلى سنين
وفاتونى انا ولياليا ..
مع جرح كبير .. عايشين
عيشة عدم .. عيشة الم .. عيشة ندم
ندم ندم .. ندم ندم
والنبي لنكيد العزال
ونقول اللي ما عمره انقال
والنبي لنكيد العزال
ونقول اللي ما عمره انقال
يا كاوينهم .. يا تاعبينهم .. ياكايدينهم بالقوي ياحنا
والنبي لنكيدهم ونكيدهم
ونقرب بعض ونبعدهم
ولاعمرى هقولك يا حبيبى
ابدا راح اقولك يا كايدهم... ياكايدهم... ياكايدهم
اما العزال عزال ايه
وهنسال فى العزال ليه
يا كاوينهم .. يا تاعبينهم .. ياكايدينهم بالقوي ياحنا
افتحلك قلبى يا روح قلبى
شوف ايه جواه جواه
صورتك ملياه افراح وسهر وحياه
ومن الليله هنعيش هنعيش يا حبيبى
وعمرنا نحياااه
اما العزال عزال ايه
وهنسال فى العزال ليه
يا كاوينهم .. يا تاعبينهم .. ياكايدينهم بالقوي ياحنا
كدنا العوازل ياما ياما
كدنا العوازل لا ملامه
كدنا العوازل يا لمونه
واتجرحوا اللى جرحونا
كدنا العوازل يا قمرنا
والفرح زارنا وبات فى دارنا
كدنا العوازل يا حبايبى
والليله بردت ناره قلبى
ولا ملامه
والنبي لنكيد العزال
ونقول اللي ما عمره انقال
والنبي لنكيد العزال
ونقول اللي ما عمره انقال
يا كاوينهم .. يا تاعبينهم
ياكايدينهم بالقوي ياحنا
ليل الغربة
غريب يا ليل الغريب
غريب يا جرح الغريب
يا ليل الغربة قاسينا قاسينا
وورينا الدموع سكة عنينا
ولولا الحب وفراق الحبايب
جراح الدنيا ما تقدر علينا
غريب يا ليل الغريب
يا ليل تصاحب تصاحب والغريب تنساه
ولا حد زى الغريب محتاج لحد معاه
ويكلمك عن حبايبه وغربته وشوقه
وتبتدى ال أه تكملها يا ليل وياه
وعذاب يا غربة عذاب
يا ليل الغربة قاسينا قاسينا
وورينا الدموع سكة عنينا
ولولا الحب وفراق الحبايب
جراح الدنيا ما تقدر علينا
غريب يا ليل الغريب
غريب يا ليل الغريب
غناء: محرم فؤاد