يا واحشني رد عليا.. ازيك سلامات
انا احبك قد عنيا.. والعمر فى حبك فات
سلامات سلامات.. سلامات يا واحشني
روحى وعنيا وقلبى يا حبيبى بيحبوك
عايزينك تفضل جنبى.. عايزين دايما يشوفوك
وانا وياهم مشتاقلك مشتاق لليالي هواك
وعشان كده دايما اقولك امتى ح يسعدنى لقاك
يا حبيب قلبي وحياتي.. سلامات سلامات
امتى ح تسعد اوقاتي.. سلامات سلامات
سلامات سلامات.. سلامات يا واحشني
الشوق خدني ورماني على ناره اللي بتكويني
وغيابك طال خلاني سهران على دمعة عيني
شوف قلبى شوف حرمانه شوف حيرته وشوف تعذيبه
ليه بس تنسى حنانه دا حبيبك وانت حبيبه
زي ما بيحبك حبه.. سلامات سلامات
ومحدش ينسى حبايبه.. سلامات سلامات
سلامات سلامات.. سلامات يا واحشني
الليل شافني لوحديا خدني ف حضنه وسهرني
ونجومه بقت حواليا تحكيلي وتفكرني
بتفكرني بلياليك بتفكرني بأيامك
بتشوقني لعينيك، بتشوقني لكلامك
يا حبيب الروح والعين.. سلامات سلامات
وحشوفك إمتى وفين.. سلامات سلامات
سلامات سلامات.. سلامات يا واحشني
غناء:
1- فريد الاطرش
2- محرم فؤاد - فيلم "سلاسل من حرير" 1963