الماضى المر عدى واحنا ولاد النهاردة
عايشين بأمل جديد وارادة من حديد
بنقرب البعيد وبنزرع ألف وردة
الماضى المر عدى
مش ممكن ذكرياتنا تقفل طريق حياتنا
ده المستقبل قصادنا اجمل من اللى فاتنا
قرب يا بكرة يا منور بالامانى
قرب وافرش بلدنا بالورد وبالاغانى
يا مصانع ياللى دايرة بإرادة قوية حرة
صوت المكن بيهتف الثورة مستمرة
الثورة يعنى حركة مبتعرفش الجمود
ثورة يوليو المباركة مخلوقة للخلود
عايشين بأمل جديد وارادة من حديد
بنقرب البعيد وبنزرع ألف وردة
الماضى المر عدى
غناء: شفيق جلال