مش كده أبداً يا عزيزة
احنا الاتنين م الجيزة
والعيشة فى بعدك مرة
والعيشة معاكى لذيذة
مش كده أبداً..
يا عزيزة يا غالية عليا
يا أغلى من ضى عينيا
تتغير كل الدنيا
وقساوتك زى ما هيا
مين يعمل كده فى حبيبه
ولا يسأل عن تعذيبه
ده المهر الغالى أجيبه
لو كان ميت ألف بريزة
لا انا طالب قربك منى
ولا طايق بعدك عنى
وانا اعمل ايه يا عزيزة
للشوق اللى مجننى
من يوم ما شغلنى هواكى
والقلب احتار وياكى
ودموعى بتجرى وراكى
ودموعى عليا عزيزة
مش كده أبداً..
غناء: شفيق جلال - اسطوانات صوت القاهرة 1966