من السبتية للشرابية
بسأل فى الرايحة وفى الجاية
عرفوا اوصافك يا حبيبى
وقالولى فى باب الشعرية
انا اول ما سألت قالولى
ده الحلو ابن سنة دهب لولى
وفى لحظة لقيت جمب عزولى
اول ما شافوه خبوا عليا
وقالولى فى باب الشعرية
على بالى ومحتار علشانه
ولا حد يقولى على مكانه
لو اشوفه او اعرف عنوانه
كنت اوفى الندر اللى عليا
سألت جميل قال ده انا جاره
ده حليوة وعارف مقداره
خدنى وودانى لباب داره
من بعد ما حيرت عينيا
اخرتها الاقيك جمبى حبيبى
من بعد شقايا وتعذيبى
وفرحت وكان هو نصيبى
واتلموا الاحباب حواليا
غناء: شفيق جلال