حلوين اوي معرفش لمين
واغلي من كل الحلوين
اقول كمان واحلف يمين
افضل اقول علي طول
حلوين اوى والنبي طعمين
الرمش يا جمال العين
لوحدهم دنيا جديدة
والورد من لون الخدين
حصل ما بين الاتنين غيرة
ده جمالهم احلى من السكر
دوبنى في هواهم اكتر
اوصف لمين واشرح لمين
طعمين اوي والنبي طعمين
الشعر لونه دهبي جميل
اصيل وعمره ما يتغير
نازل يقابل خصر نحيل
وخفة الدم تحير
السن لولي وبينور
والوجه سبحان من صور
اوصف لمين واشرح لمين
طعمين اوي والنبي طعمين
حلوين وسبحان الخلاق
وطبعهم احلى واجمل
ومفيش كده ابداً اخلاق
ونقاوة على الوجه الاكمل
وكفاية ذوقهم وادبهم
خلونى دوبت فى دباديبهم
اوصف لمين واشرح لمين
طعمين اوي والنبي طعمين
غناء: شفيق جلال - اسطوانات صوت القاهرة 1966 وتم الاستعانة بها فى احداث فيلم "حادى بادى" 1984