مين غيرك انت يا ربى ينجد الملهوف
انت المدد والمعين وقت الرجا والخوف
لا غربة ياربى الا غربتى عنك
ولا قرب الا على الطاعة وعلى المعروف
يارب
ان شح زيت مصباحى فى العمر العتيق
وتهت انا وعكازى فى الليل والطريق
والدنيا بحر كبير وانا فيها غريق
والريح شديد ولا حد من حواليا صاحى
والموج وصوت البحر اعلى من صياحى
تمد ايد الرجا وتجيبلى بر النجاة
روحى تطير تحت السماء زى الخيال
بتنحرق بالشوق وتحيا بالجمال
داب قلبى وشفايفى بحرارة الابتهال
جايلاك من الغربة وسبقانى دموعى
وسبقت انا الليل قبل ما يدارى شموعى
تمد ايد الرجا وتجيبلى بر النجاة
يارب
غناء: سعاد محمد - من تسجيلات الاذاعة المصرية عام 1967