الصايمين سمعوا المغرب فطروا وحلوا
والحلوين شالوا الفوانيس قالوا يا حالو
هز فانوسك يا حمادة وغنى
دى النسمة صافية والقمر متحنى
وقول يا اهلا يا رمضان
ياللى واحشنا والله زمان
نورت يا رمضان شرفت يا رمضان
شهر الصيام لما بيهل
الخير علينا كله يهل
ومن الايمان فى قلوب الكل
من الوجود النور بيطل
ويدق الايمان على كل البيبان
ويفتحوله ويقولوله شرفت يا رمضان
صبيان وصبايا حوالين البيت
ويا القمراية يحكوا الحواديت
وكبار وصغيرين بيحكوا فرحانين
وبكرة تبقى ذكرى لما تفوت السنين
ويدق الايمان على كل البيبان
ويفتحوله ويقولوله شرفت يا رمضان
الصايمين سمعوا المغرب فطروا وحلوا
والحلوين شالوا الفوانيس قالوا يا حالو
هز فانوسك يا حمادة وغنى
دى النسمة صافية والقمر متحنى
وقول يا اهلا يا رمضان
ياللى واحشنا والله زمان
نورت يا رمضان شرفت يا رمضان
غناء: محمد ثروت - من تسجيلات الاذاعة المصرية