جار الهوى بعت الهوى مرسال جالنا لحد الباب
جالنا وقال ازيكم انا جايلكم من عند ناس احباب
صحيت انا على دقته وقولت اهلا مرحباً
طب ليه مجاش جارى الهوى ده الباب قصاد الباب
ده حبيبنا واحنا كمان اهله الروح بتروحله وتندهله
والعين متنامش علشان خاطره سهرانة تغنى وبتقوله
يا عشرة الخلان يا حبيبنا من زمان
لبلاب الحب فرع وضلل على الجيران
وحالى يا هوى ليالى فى الهوى
بتقوله يا حبيبى تعالى نعيش سوا يا جار الهوى
جارى حبيبى جارى الغالى هو النغمة اللى فى موالى
هو الامل اللى مصبرنى هو السهرة اللى بتحلالى
ولحنى اللى بغنيه وقلبى اللى بعيش بيه
بيدوب له الشهد فى كفة علشان اسقيه
وحالى يا هوى ليالى فى الهوى
بتقوله يا حبيبى تعالى نعيش سوا يا جار الهوى
جار الهوى بعت الهوى مرسال جالنا لحد الباب
جالنا وقال ازيكم انا جايلكم من عند ناس احباب
غناء: سعاد محمد