محتار وياك وتعبت معاك
ياللى اسمك قلبى
قولى عايز ايه وشروطك ايه
فى الحب يا قلبى
ابو رمش اسمر
ياخدك وتسافر فى هواه
تسهر جوة عيونه
وتسهرنى معاه
وابو عود اشقر
يمشى تتمشى تعد خطاه
وان غاب عنك
تجرى وتجرينى وراه
شئ مش معقول
شرحه هايطول
ياللى اسمك قلبى
قولى عايز ايه وشروطك ايه
فى الحب يا قلبى
جبت الورد صحبة
وكانوا سبع الوان
علشان يمكن وردة
تنسيك الحرمان
شوفت عيونك حيرى
عايزة كمان وكمان
عايزة وردة واحدة
فيها كل الألوان
شئ مش معقول
شرحه هايطول
ياللى اسمك قلبى
قولى عايز ايه وشروطك ايه
فى الحب يا قلبى
ياما عشقت يا قلبى وعمرك ما اتهنيت
تبنى الحب مداين وتهد اللى بنيت
عايز اختارلك مرة واشوفك حبيت
الحب اللى بيسعد واللى يعمر بيت
قولى عايز ايه وشروطك ايه
فى الحب يا قلبى
محتار وياك وتعبت معاك
ياللى اسمك قلبى
غناء: عبد العزيز محمود