صلوا على اشرف انسان
على اللى كان قدوته القرآن
على صاحب الاسوة الحسنة
والدعوة لله الحسنى
وادى المثل فرض وسنة
ملايين على مر الازمان
على اللى قال للبشرة
لله وحده العبودية
ولا نبى من بعديا
ودى حقيقة لأى زمان
صلوا على صاحب الفطرة
على صاحب السيرة العطرة
على السخى زى المطرة
فى البر والخير والاحسان
على اللى كان هادى بحسه
وكان ميغبضش لنفسه
يغضب لدينه ان مسه
جاحد بآيات القرآن
وكان شعاره الله اكبر
على كل من طغى وتكبر
به انتصر بعدد اصغر
على عدد اكبر بزمان
على اللى ساوى ما بين الناس
وخلى ميزة التقوى اساس
محى الفروق بين الاجناس
وعلى من قيمة الانسان
على اللى وصى بسابع جار
ولا جارش حتى على الاشرار
وآخى ما بين الانصار
وبين مهاجرين الاوطان
اتعلموا منه الحكمة
والصدق دايماً فى الكلمة
وعهد يا اعظم امة
مقام نبى جميع الاديان
غناء: محمد رشدى