يا اسكندرية انتى فى الدنيا هونتى على القلب اشجانه
على البحر نورتى وبحسنه صورتى للحب الحانه
يا اسكندرية يا اسكندرية
الشمس فى شروقها نلقاها من شوقها فوق بحرك القايم
تشرح لاشواقها وتنادى عشاقها وتصحى فى النايم
وشطك الهادى للفتنة بينادى من بدرى خلانه
ورملك النادى السحر فيه بادى بيثيرنا الوانه
الرمل وستانلى لما الهوى يندهلى مقدرتش اتأخر
وحسنهم بان لى وكان لى ما كان لى من حب متقدر
وصبحت اهواهم واتمنى رؤياهم فى ميعادى واوانه
ولما القاهم اهيم فى نجواهم بقلبى وحنانه
يا اسكندرية يا اسكندرية
يا اسكندرية انتى فى الدنيا هونتى على القلب اشجانه
على البحر نورتى وبحسنه صورتى للحب الحانه
غناء: اسماعيل شبانة