قالتلى عينيك وودتنى على شط الامل ومشيت
لا راحة قلبى عرفتنى ولا رحت فى هواك ولا جيت
صاحبت الشوق وصاحبنى وخد منى ودوبنى
ورجعنى اقول ياريت ياريت
حكاية صبر فى عيونك خدتنى بعيد
لحلم كبير بيندهلى وعمر جديد
لقيت قلبى مهوش قلبى وطار بيا
وشئ اكبر من النظرة ملا عينيا
جديد كل اللى انا شوفته
وحلم فى نظرتك عشته
ورجعنى بقول ياريت ياريت
طريق حبك مشيت وياه
على املى اللى بستناه
اقول بكرة هواك يصحى
واشوف بعد الالم فرحة
واعيش فى عيونك اتمنى
بنار تصبح معاك جنة
صاحبت الشوق وصاحبى
وخد منى ودوبنى
ورجعنى بقول ياريت ياريت
قالتلى عينيك
غناء: اسامة رؤوف
اشعار: سيد عبد الظاهر
الحان: فؤاد حلمى
التصنيف: عاطفى