شغلانة حبك شغلانة
طول ليلى صاحية وقلقانة
ونهارى تايهة وسرحانة
شغلانة شغلانة شغلانة
شغلانة ولا كنتش فاكرة
ان الحب صحيح بيحير
قلبى يحبك انا مش ناكرة
بس انا قلبى لسة صغير
ولا كان قبلك شاف الحيرة
ولا جربت الشوق والغيرة
ولا قضيت الليل سهرانة
شغلانة شغلانة شغلانة
دنيا جديدة شافتها عيونى
بتنسينى اللى انا بفتكره
تايهة تملى فى بحر ظنونى
ما اعرف فين اوله من اخره
حاسة بفرحة ودنيا هنية
بس بشوفها بدمع عينيا
دريانة ولا انيش دريانة
شغلانة شغلانة شغلانة
شغلانة
غناء: مديحة عبد الحليم
اشعار: محمد على احمد
الحان: بليغ حمدى
الاصدار: من تسجيلات الاذاعة المصرية
السنة: 1961
التصنيف: عاطفى