انت مالك كون فى حالك
مين فى بالى ايه جرالى
وانت مالك
ليه وامتى وانت مالك
اسكت انت
مش هاقولك مش هادلك
قلبى مشغول ولا خالى
مهما تسأل مش هاتوصل
مهما تزعل وانا مالى
الكلام اللى انت حافظه مش عاجبنى
مهما قولت وعيدت برضه مش غالبنى
لا تعاتبنى ولا تحاسبنى
مين فى بالى ايه جرالى
وانت مالك
ليه وامتى وانت مالك
اسكت انت
منيتك والود ودك انى اقول ماليش حبايب
ايه يصدك ايه يحدك والنبى اما عجايب
احنا فيه ايه بينا غير قولة سعيدة
وانت فكرك ليه يروح لحاجات بعيدة
ليه وحيدة ليه عنيدة
مين فى بالى ايه جرالى
وانت مالك
ليه وامتى وانت مالك
اسكت انت
وانت مالك كون فى حالك
غناء: شهزراد
اشعار: صلاح جاهين
الحان: سيد مكاوى
الاصدار: من تسجيلات الاذاعة المصرية
السنة: 1960
التصنيف: عاطفى