النسمة رايحة تحكى وراجعة تانى تحكى
عن أسمر حب سمرا وسافر يشتريلها
فستان بلون القمرة وعقد لون عيونها
من يومها راح مجاشى وهى ما تدراشى
مرجعش ليه حبيبها ليه؟
مرجعش ليه نصيبها ليه؟
راح راح راح
راح علشان البلابل ميسكتهاش الألم
راح علشان السنابل ميدوسهاش القدم
وعلشان ضحة حبيته ميقطفهاتش إنسان
وعلشان خضار عيونها متكحلوش أحزان
راح راح راح
الأسمر فى كل مكان بيخضر الغيطان
ويغنى للإنسان ويوهبله الأمان
ويكسر القيود ويحطم السدود
ويغنى للوجود بالكلمة والبارود
الاسمر فى كل مكان
غناء: شادية
اشعار: مجدى نجيب
الحان: عز الدين حسنى
الاصدار: من تسجيلات الاذاعة المصرية
السنة: 1971
التصنيف: وطنى