اصحى يا حلوة وفتحى .. ع الدنيا قومى صبحى
ده الورد على الشباك طلع مستنى لما تفتحى
ونفسه يلمح طلعتك ويشوف خدودك يستحى
لو تسمحى .. لو تسمحى ... لو تسمحى يا حلوة
طلى يا حلوة ثانيتين يا ام العيون المرتاحين
طولى يا عصفورتى انا وخدى حنين قلبى جناحين
قومى امسحى دموع القمر لا يغيب عيونه مجروحين
كان زى سهران ينتظر وعينيه عليكى مفتوحين
ونفسه يلمح طلعتك ويشوف خدودك يستحى
لو تسمحى .. لو تسمحى ... لو تسمحى يا حلوة
حتى الهلال داب وانحنى من شوقه ليلة مش سنة
وانا اعمل ايه فى اربع سنين قضيت لياليهم هنا
ويوماتى اصبح على الجمال بالورد بالشوق بالمنى
وبفتحة الشباك اتوه عن الناس وانسى مين انا
قومى يا حلوة وفتحى بس ابعتى نظرة امل
لو تسمحى .. لو تسمحى ... لو تسمحى يا حلوة
اصحى يا حلوة وفتحى .. ع الدنيا قومى صبحى
ده الورد على الشباك طلع مستنى لما تفتحى
ونفسه يلمح طلعتك ويشوف خدودك يستحى
لو تسمحى .. لو تسمحى ... لو تسمحى يا حلوة
اصحى يا حلوة
غناء: ماهر العطار
اشعار: عبد السلام امين
الحان: محمود الشريف
التصنيف: عاطفى