سالونى ليه انا حبيتها
من اول عينى ما شافتها
انا قولت علشان حنيتها
فتحت عينيا ولقيتها
بتسمى عليا وشالتنى
وباستنى بلهفة وحضتنى
وبشالها الاخضر لفتنى
من خوفها عليا ودفتنى
وكبرت وفضلت حضنانى
والحضن الدافى ده خلانى
اهتف على طول واغنى واقول
افديكى بروحى ودمى يا مصر
وقالولى هاتعمل ايه ليها
قولتلهم هابنى واعليها
وزى ما دفتنى ايديها
راح اضلل فوقها وادفيها
وبايدى ادور سواقيها
وبعزمى هاكتر اراضيها
لو تطلب روحى اجود بيها
ده حبيبتى وانا قلبى شاريها
وبحب ترابها وسماها
وبقول انا مصر واتباهى
اهتف على طول واغنى واقول
افديكى بروحى ودمى يا مصر
سالونى يا مصر
غناء: محمد رشدى
اشعار: ادوارد ينى سليمان
الحان: ابراهيم عبد الشفيع
الاصدار: من تسجيلات الاذاعة المصرية
السنة: 1983
التصنيف: وطنى