حلوة يا حلوة يا اسمرانية
ردى على قلبى كلمى عينيا
قلبى قال حلوة قولت انا ايوة
وانتى ايه رأيك فى الهوى وفيا
يا اسمرانية
ياللى اسمك لحن لاف بيا وصادقنى
ياللى صورتك رؤية مش عايزة تفارقنى
صورة حلوة ساكنة فى عينيا وخيالى
نايمة قايمة زى ما تكون مخلوقالى
يبقى مش هين عليا
لهفة الشوق اللى بيا
قلبى قال حلوة قولت انا ايوة
وانتى ايه رأيك فى الهوى وفيا
يا اسمرانية
سنتين لولى
لما ضحكولى
قولت يا وعدى
ردوا وقالولى
السمار هو سر ضحكتنا
هو موالنا هو غنوتنا
رديت وقولت مهو سمارها
هو اللى شوقنى لنورها
قلبى قال حلوة قولت انا ايوة
وانتى ايه رأيك فى الهوى وفيا
يا اسمرانية
حلوة يا اسمرانية
غناء: عبد اللطيف التلبانى
كلمات: حسن ابو عتمان
الحان: عبد العظيم محمد
السنة: 1969
التصنيف: عاطفى