جددنا عهد الهوى
والحب والاحلام
واللى قاسيته انطوى
وراح مع الايام
راح العذاب كله
اللى قاسيت ذله
واللى ضنا قلبى
وجانى نور عينى
علشان يهنينى
واهنى بيه حبى
واللى قاسيته انطوى
وراح مع الايام
عهد البكاء والنوح
ودعنى من بدرى
وجه حبيب الروح
بالفرح من بدرى
اسهر بقى لينا
واسعد ليالينا
وزيد قلوبنا سوا
فرحة وشوق وهيام
ده اللى قاسيته انطوى
وراح مع الايام
قلبى اللى كان محروم
لما الحبيب هناه
ودع قسى وهموم
عاشت كتير وياه
وملاله كاس الهنا
حب وسعادة ومنى
فرحان خلاص ارتوى
عطف وحنان وغرام
واللى قاسيته انطوى
وراح مع الايام
عهد الهوى
غناء: سعاد مكاوى
اشعار: ادوارد ينى سليمان
الحان: محمد قاسم
التصنيف: عاطفى