كنت هايم فى الوجود
قلبى يحلم بالحنان
امشى على الشوك والورود
منها يحرمنى الزمان
والتقينا والعهود
بدلت خوفى امان
مين يصدق يا زمان
بعد عيشتى فيك غريب
التقى لى يوم مكان
فيك والاقى لى حبيب
بالحنان يسأل عليا
ويبادلنى شوق عينيا
بدلت شوكى ورود
زاهية حلوة فى الوجود
الامانى طايرة بيا
فرحة ووخدانى لفوق
والزمان بعد القسية
قالى دوق الفرح دوق
وابتسم لى والمحبة
جنة فى قرب الاحبة
بدلت شوكى ورود
زاهية حلوة فى الوجود
قبل ما يقسى يا قلبى
الزمان ويعود لغدره
ابنى احلامك فى حبى
قبل ما يغيب عنا بدره
عيش لحبك عيش والامانى
دى المحبة عمر تانى
بدلت شوكى ورود
زاهية حلوة فى الوجود
كنت هايم كنت هايم
فرحة العمر
غناء: عادل مأمون
اشعار: محمد اسماعيل
الحان: محمود كامل
التصنيف: عاطفى