بلاد الله لخلق الله
انا ساعى لبيت الله
اعدى بحور واحج وازور
واشاهد نور حبيب الله
معايا بالايمان زادى
وفايت اهلى وولادى
وفايت دارى وبلادى
بتحرسهم رعاية الله
دعانى المولى لرحابه
وخدنى الشوق لمحرابه
وسال دمعى على بابه
وهام قلبى فى هوى مولاى
بلاد الله لخلق الله
انا ساعى لبيت الله
اعدى بحور واحج وازور
واشاهد نور حبيب الله
ما بين مكة وبين عرفات
فى نور الذكر والصلاوات
قلوبنا ترتل الايات
وتدعى بين ايات الله
مواكب للهدى هالة
بنورها روحى تتملى
ويا بخت اللى نال والله
وعقبال اللى ربه هداه
بلاد الله لخلق الله
انا ساعى لبيت الله
اعدى بحور واحج وازور
واشاهد نور حبيب الله
بلاد الله لخلق الله
غناء: كارم محمود
اشعار: نبيل الفكهانى
الحان: رضا حمدى
السنة: 1972
التصنيف: اغانى الحج