وياك يا حبيبى بفكرى
وبقلبى بعيش وياك
وبقول لعينيا افتكرى
ولو العين شايفاك
فى البدر ان مسى عليا
فى النسمة ان مرت بيا
فى الصبح وكل عشية
فى ميعادك بستناك
وبحب بعيش وياك
وياك يا حبيبى وياك
واحلف لك صورتك بيها
ومن الحاسدين بداريها
يا فايتلى خياك فيها
ابداً انا مش هانساك
وبقلبى بعيش وياك
وياك يا حبيبى وياك
فى النور فى جمال الزهرة
فى المية وسحر الخضرة
شايفاك اليوم ده وبكرة
وفى كل جميل شايفاك
وبروحى بعيش وياك
وياك يا حبيبى وياك
وياك يا حبيبى بفكرى
غناء: فتحية احمد
اشعار: مصطفى الشريف
الحان: محمد صادق
الاصدار: من تسجيلات الاذاعة المصرية
السنة: 1962
التصنيف: عاطفى