طايرين بالشوق .. بالشوق طايرين
دى حكاية وغنيوة جميلة
طايرين على فوق .. على فوق طايرين
على قمرة خضرة وضليلة
يا قمر فى العالى اخضر بيلالى
ضيك ينادينا جينا طوالى
غنوا يا احبابنا واسمعوا موالى
يا غربة ارتاحى يا فرحة تعالى
طايرين بالشوق .. بالشوق طايرين
دى حكاية وغنيوة جميلة
طايرين على فوق .. على فوق طايرين
على قمرة خضرة وضليلة
زى النسيم ما يفوت على رموش السنابل فى الفضا
غنوتنا بتهز لونه وتصحى فرحة مغمضة
غنوتنا بحر من الحنان والمحبة والرضا
يا طريق مفروش بالحب سنين
يا ربيع مبدور اشواق وحنين
انا خدنى الشوق وهاطير على فوق
واحضن ايام حلوين جايين
غنوا يا احبابنا واسمعوا موالى
يا غربة ارتاحى يا فرحة تعالى
طايرين بالشوق .. بالشوق طايرين
دى حكاية وغنيوة جميلة
طايرين على فوق .. على فوق طايرين
على قمرة خضرة وضليلة
طايرين بالشوق
غناء: طروب
اشعار: فاروق شوشة
الحان: طه العجيل
الاصدار: من تسجيلات الاذاعة المصرية / اسطوانات صوت القاهرة
السنة: 1971
التصنيف: عاطفى