مد ايد للسلام سلم وصالح
واملى قلبك بالامل دايماً وسامح
ليه هاتزعل ليه هاتبعد وتخاصمنى
ليه تسيبنى فى الخيال والفكر سارح
هو الربيع يستغنى عمره عن زهوره
ولا القمر يبخل على الايام بنوره
لما يوم تحرمنى من لهفة حنانك
ولا قلبى يسيب هواك ويروح لغيره
ده مش معقول يضيع الحب فى ثوانى
وانادى عليك الاقى عينيك مخاصمانى
ليه هاتزعل ليه هاتبعد وتخاصمنى
ليه تسيبنى فى الخيال والفكر سارح
يا روح الروح خلاص على البعد مش قادر
لو اصبر يوم حنين القلب مش صابر
بشوق الشوق احن اليك وانده لك
واقول للشوق مسير البعد له اخر
ده مش معقول يضيع الحب فى ثوانى
وانادى عليك الاقى عينيك مخاصمانى
ليه هاتزعل ليه هاتبعد وتخاصمنى
ليه تسيبنى فى الخيال والفكر سارح
مد ايد للسلام سلم وصالح
خليك مسامح
غناء: احمد سامى
اشعار: فتحى شريف
الحان: عبد المنعم الحريرى
الاصدار: من تسجيلات الاذاعة المصرية
السنة: 1975
التصنيف: عاطفى