صاحبى حبيبى بلدياتى
اللى بقابله فى سفرياتى
لما بشوفه الدم يحن
اصله حنين زى حالاتى
لو يقابلنى فى اى مكان
اجرى اخده بالاحضان
زى اعز واحد فى اخواتى
بلدياتى منين ما بروح
يحس بيه قلبى المفتوح
لونه القمحى شكله فرايحى
نفس ملامحى ونفس الروح
قبل ما اشوفه هو يشوفنى .. بلدياتى
من على بعد قوام يعرفنى .. بلدياتى
معرفة حلوة وبتشرفنى
لما لاخر يوم فى حياتى
صاحبى حبيبى بلدياتى
اللى بقابله فى سفرياتى
لما بشوفه الدم يحن
اصله حنين زى حالاتى
لو يقابلنى فى اى مكان
اجرى اخده بالاحضان
زى اعز واحد فى اخواتى
بلدياتى واجمل صحبة
لما تاخدنى بعيد ايامى
اسعد لحظة فى ليل الغربة
لما ابص الاقى قدامى
قبل ما انادى عليه يندهلى
اجرى عليه ممشيش على مهلى
جى من ريحة بلدى واهلى
فى عينيه اقرا جميع جواباتى
صاحبى حبيبى بلدياتى
اللى بقابله فى سفرياتى
لما بشوفه الدم يحن
اصله حنين زى حالاتى
لو يقابلنى فى اى مكان
اجرى اخده بالاحضان
زى اعز واحد فى اخواتى
صاحبى حبيبى بلدياتى
غناء: محمد العزبى
اشعار: بخيت بيومى
الحان: محمد قابيل