انت اللى خليت حياتى زادت فى عينى حلاوة
وانت اللى حبك يوماتى بيزيد فى قلبى غلاوة
وماليش حبيب غيرك انت
ياما ياما ياما ياما سهرت الليالى
اتمنى عش الهنا يجمع ما بين حبيبن
وارسم صور فى خيالى واحلم بيوم المنى
واليوم عليا سنين لحد ما انت وانا
جمعنا عش الهنا
وماليش حبيب غيرك انت
حبك وعطفك عليا نسانى اهلى وحبايبى
تسلم عيونك يا غالى
ده انا فى دنيا هنية صورها حبك وحبى
وانت اللى حقك تهنى
وانت هوايا وحبيبى وانت منايا ونصيبى
ماليش حبيب غيرك انت
وان غيبت عن عينى حبة توحشنى فيها عينيك
واسرح بفكرى فى صورتك
وان فات ميعادك بحبة من كتر شوقى اليك
افضل افكر فى سيرتك
ولما احس بخطوتك واسمع على الباب دقتك
اجرى على الباب واغنى وافتح وقلبى يسابقنى
ماليش حبيب غيرك انت
عش الهنا / ماليش حبيب غيرك انت
غناء: فتحية احمد
اشعار: على الفقى
الحان: محمد فوزى
الاصدار: من تسجيلات الاذاعة المصرية
السنة: 1961
التصنيف: عاطفى