امتى قلبى راح ينول من الدنيا سعده
النهاردة ولا بكرة ولا بعده امتى يا قلبى
النهار يطلع بحلم جديد اقابله
واساله عن قلبى ايه اللى انكتبله
يجى نور الشمس ويجدد امالى
والتقى اسعد من اليوم اللى قبله
اصور جنتى بايدى
واقول يا شمعتى قيدى
الامل واعد وامتى يوفى وعده
النهاردة ولا بكرة وبعده
الامانى الحلوة بتشاغل عينيا
والليالى من السهر طالت عليا
قلبى فى دنيا المنى طال انتظاره
كل لحظة تمر استنى اللى جاية
واعيشها مع الذكرى
وبستنى امل بكرة
الامل واعد وامتى يوفى وعده
النهاردة ولا بكرة وبعده
امتى قلبى راح ينول من الدنيا سعده
النهاردة ولا بكرة ولا بعده امتى يا قلبى
غناء: شفيق جلال - من تسجيلات الاذاعة المصرية عام 1957